Versjoner lar deg spore forskjeller mellom flere utgaver av ditt innhold og lar deg gå tilbake til eldre utgaver.

Arne Hadland

Arne Hadland

Arne Hadland, organist, har prega det kyrkjemusikalske livet i Rogaland i ein mannsalder.

Arne Hadland er fødd 9. april 1947 i Hellvik i Eigersund. Han har organisteksamen frå Stavanger musikkonservatorium (1967) og kantoreksamen frå Musikkonservatoriet i Oslo (1971). Sentrale lærarar var Lars Mæland, John Lammetun og Grethe Krogh. Etter avslutta studiar har Hadland gjennomført fleire studieopphald med vekt på korleiing i England.

I 1962 fekk han si første teneste som organist i Hillevåg kirke i Stavanger. Sidan har han kontinuerleg vore organist i ulike kyrkjer. I all hovudsak har han hatt tilhald i Rogaland, men i tiåret 1975–85 var han tilsett i Borgund kyrkje i Ålesund. Frå 1985 og til han gjekk av med pensjon i 2009 var han domkantor i Stavanger.

Som domkantor har Hadland vore leiar for Domkirkens Guttekor, Domkirkens Motettkor, Domkirkens Ungdomskantori, Domkirkens Studentkor og Domkirkens Kammerkor. Desse kora vann i denne perioden fleire prisar i internasjonale konkurransar. Som dirigent og organist har han elles gjennomført ei lang rekkje konsertar i Noreg og vore på turnear i Europa, USA og Canada.

Han har òg arbeidd som høgskulelektor ved Rogaland musikkonservatorium, der han i 1987–97 underviste i kordireksjon, kantoripraksis og kontrapunkt.

Hadland er tildelt Kongens fortenestemedalje (2007) for verksemda som korleiar, og han fekk Stavanger kommunes kulturpris i 2009. Same året vart han heidra med Davidsharpen av Norges kirkesangforbund.

Arne Hadland
Etablert/født: 
1947
Beliggenhet: 
Forfatter: 
Joar Kvanvik

Siste oppdateringer

Innleggsdato: 20.06.2015 - 22:38
Oppdatert dato: 22.09.2017 - 07:57
Sist endret av: JoarKvanvik
Diskografi: 

Hadland, Arne

Rop med fryd!

1987

Stavanger Domkirkes Ungdomskantori

Stavanger Domkirkes Ungdomskantori

1986

Stavanger Domkirkes Motettkor

Stavanger Domkirkes Motettkor

1974
Toggle menu